РУС ENG ЎЗБ
Ёпиш
Логин :
Парол:
Паролингизни унутдингизми?
Фойдаланувчи сифатида сайтга кириш
Ушбу сайтлардан бирида руйатдан ўтган бўлсангиз, сайтга киришингиз мумкин
Рўйхатдан ўтиш
Укинг

Олег Дерипаска

Олег Дерипаска

Бугунги кунда ушбу гўзал ҳаёт курашувчиси, унинг наполеонларча режалари ҳақида эшитмаган одам кам бўлса керак. У Болқон ороллари кўчмас мулк бозорларини даярли эгаллаб ва кўплаб мамлакатлар иқтисодий ислоҳотларида из қолдиргани билан ном қозонди.

Олег Владимирович Дерипаска 1968 йилнинг иккинчи январида туғилган. Ҳозирда Москва шаҳрида истиқомат қилади, лекин унинг миллионлаб долларлик бойлиги ҳеч кимга тинчлик бермайди. Аслида эса Дерипаска кўчмас мулк бизнеснинг “кулранг кардинали” ҳисобланади. У Черногориядаги кўчмас мулкларнинг анчагина қисмининг ҳам расмий, ҳам норасмий эгаси ҳисобланади. Форбс журналининг баҳоларига кўра, унинг бойлиги 2007 йилда 13.3 млрд. доларга тенг бўлиб, 2008 йилда 28 млрд. долларга етди. Аммо орадан бир йил ўтиб, 2008 йилда 85% озайди ва дунёдаги энг бой кишилар рўйхатининг 164 ўрнига тушиб қолди.

Болалигида Дерипаска хуторда яшаган. У 11 ёшгача яшаган хутор Краснодар ўлкасида эканлиги маълум. Унинг болалиги ҳақида жуда ҳам кам маълумот сақланган ва шу сабабли унинг ҳаёти ҳақидаги ҳикояни фақат унинг иқтисод билан боғлиқ ишлари доирасида гапириш мумкин.

У Усть-Лабинск шаҳридаги ўрта мактабни тугатди, армия сафида ракета қўшинларида хизмат қилди, сўнгра икки олий маълумотга эга бўлди (улардан бири – машхур физфак).

Қизиғи шундаки, Дерипаска туғилган жой шевасида унинг фамилияси ДериБаска деб талаффуз қилинади.

Унинг ташкилотчилик қобилиятлари 1990-1992 йилларда, Дерипаска «Военная финансово-инвестиционная компания» ИИБ директори бўлиб ишлаб юрганда бутун кучи билан юзага чиқди. 1992 йилда у биржада ҳам ўйнаб улгурди, сўнгра Саян алюминий заводи (САЗ) акцияларини сотиб ола бошлади.

Бу ишлар 1994 йилда ўз мевасини берди - «Алюминпродукт» акциялари баҳоси бирданига ўсиб кетди ва Дерипасканинг исми мамлакат сиёсий янгиликларида кўриниб қолди.

Завод акцияларининг тенг ярмига Trans World Group (TWG) компанияси эгалик қилар, Дерипаска бўлса, САЗ директори эди. 1997 йилга келиб Дерипаска миллий корпорация билан ҳамма алоқаларни узди ва САЗнинг ягона хўжайинига айланди. Унинг раҳбарлигида заводнинг ишлари юришиб кетди, иқтисодий алоқалар тикланди, маҳсулотни сотиш йўлга қўйилди. Дерипасканинг душманлари у заводнинг орқасидан фақат бойиш билан шуғулланди, дейишган бўлса-да, унинг завод ривожига қўшган ҳиссасини тан олмасдан бўлмайди.

2001 йилда Дерипаска бирқатор қайта ишлаш ва металлургияя корхоналари раҳбарлигига номзодини қўйди. Бошлаган ишларининг асосида «Базовый Элемент» компанияси турар эди. Бу ишда ҳам унга омад кулиб боқди. У раҳбарлик қилган корхоналар тармоқдаги энг олдинги ўринларни эгаллаб, рақобатчиларидан анча олдинга илгарилаб кетди.

2002 йилда Дерипаска РУСАЛ компанияси директори бўлди, 2007 йилда эса ушбу компания дунёдаги алюмин ишлаб чиқарувчи компаниялар ичида учинчи ўринни эгаллади. Бундан ташқари ҳозирда Дерипаска «Российский алюминий» ассоциацияси директорлар кенгашининг аъзоси ҳисобланади.

Дерипаска шунингдек «Русско-Азиатская инвестиционная компания» (РАИНКО) МЧЖ ягона бенефециари ҳисобланади. Бу компания Дерипасканинг металлургияга алоқадор бўлмаган активларини бошқариш билан шуғулланади.

Дерипаска Россия тадбиркорлар уюшмасининг вице-президенти, Бутунжаҳон бизнес ташкилотининг раиси, Катта театр васийлик кенгаши аъзоси ҳамдир. Шунингдек, ўқув ассоциациялари, менежмент, бошқарув мактабларида турли лавозимларга эга.

Бирқатор бошқа меценатлар билан бирлашган ҳолда илм-фан ва тиббиётга кўмаклашувчи “Вольное дело” хайрия жамғармасини тузди.

Дерипаска “Дўстлик” ордени соҳиби, 2007 йилда йил тадбиркори, йилнинг энг яхши менежери унвонларига сазовор бўлган.

Маълум ва машҳур Юмашевнинг қизи Полинага уйланган, Унинг ўгай онаси – Ельциннинг қизи. Полина ноширлик маркази раҳбари бўлиб ишлайди. Дерипасканинг фарзандлари – Петр ва Марина 2001 ва 2003 йилларда туғилган бўлиб, онаси билан бирга Лондонда истиқомат қилади. Оиласи билан камдан кам кўришади.

Дерипасканинг оиласи актриса Миша Бартон билан дўстлашган, Полина темир рангини ёқтиради, Дерипаска эса яшил рангни яхши кўради (долларнинг ранги ёдингиздадир?).

Лондонда Полина Форбс журналига ўхшаш журнал нашр қилади.

Агар сиз шу маълумотга қўшадиган нарсангиз бўлса, изоҳ қолидиринг.
Кўпроқ билишни истасангиз, бизга ёзиб юборинг.
Ўхшаш мақолалар
Ўзбекистон Президенти давлат органлари з...

7 апрелда Ўзбекистон Президенти “Ўзбекистон Республикасида инвес...

Бизнесни ривожлантиришда кредит мабла...

Банк кредитлари кичик ва ўрта бизнес фаолиятини молиялаштиришда му ...

БАЛАНС

- халқ хўжалигида ва умуман хўжалик, савдо ишларида бир-бирига б...

Михаил Фридман

Альфа-Банк корпорацияси дунёга танилиб улгурди. Россиянинг барча ша...

Мақола ёқди:
(овозлар: 4, Рейтинг: 3.45)

Reviews forum #FORUM# is not exist

Эълон қўшиш
Бинес режага буюртма бериш
Обуна бўлиш